Станушина е автохтона македонска сорта. Основна сорта за производство на црвени вина во Република Македонија се до појавата на филоксерата, сорта која и денес е доста присутна во нашите лозови насади и која во последно време го привлекува вниманието како на винариите така и на винските ентузијасти. Нашата Станушина се препорачува за винските љубители со посебен карактер. Вино со светло црвена боја, хармонично, со лесни и пријатни танини. Се карактеризира со богат аромат на црвени плодови, вишна, дрена, црвена рибизла.
