“Еден од основните предуслови за среќа е да не ја раскинете врската помеѓу вас и природата.”
— Лав Толстој
Ја започнавме нашата винска авантура со желба да отвориме нова страница за сетилата, со целосна почит кон природата од која се раѓа нашето вино.
Регионот Кршла, во срцето на Македонскиот исток е заокружена и оддалечена по 17км воздушна линија од планинаските масиви: Пљачковица (од југ), Осогово (од север), 20км воздушна линија од планината Голак (од исток) и претставува специфичен и досега маргинализиран тероар, од кој произлегуваат нови, неистражени вкусови. Кршла во себе обединува уникатна комбинација од фактори специфични за секоја сериозно добра лозарска област.
Балансот помеѓу природата и човекот е во основата на филозофијата на Виника Органик. Со целосна почит кон природата од која се раѓа нашето вино, создаваме чисто задоволство на
непцата.
Органското вино на Виника е создадено без употреба на синтетички хемикалии, користејќи еколошки и одржливи методи.
Нашата специјалност се техниките на одгледување на виновата лоза, системите за бербата и методите на производство на вино, кои придонесуваат за уникатното изразување на тероарот на регионот Кршла.
©Виника 2025. Сите права се резервирани.
